Chalo kuch aur naya karte hain!

Chalo kuch aur naya karte hain

Ek sahar chor, naya gaon basane ki tammana rakhte hain

Chalo kuch aur naya karte hain.

Raat tab bhi aayegi, per chand sitaare bhi saath laegi

Diye ka daman thame path per

Roz chala karte hain,

Chalo kuch aur naya karte hain.

Jeevan ki dor, kitni sudirh kitni kamzoor,

Upar se ek chor ishwar ki oor,

Sachhe pathik raaste mein raang bhara karte hain,

Chalo kuch aur naya karte hain.

Jeevan ke rang manch mein, 

Apni kalakari ka dam bharte hain

Chalo kuch aur naya karte hain,

Chalo kuch aur naya karte hain.